2029 ప్రధాని రేసులో విజయ్.. మిత్రపక్షాల్లో విభేదాలు!
చెన్నై: 2029 లోక్‌సభ ఎన్నికల్లో టీవీకే అధినేత, తమిళనాడు సీఎం విజయ్‌ను ప్రధాని అభ్యర్థిగా ప్రొజెక్ట్ చేయాలన్న ప్రచారం తమిళనాడు రాజకీయాల్లో చర్చనీయాంశంగా మారింది. ఇటీవల వచ్చిన ఓ సర్వేలో ప్రధాని అభ్యర్థుల ప్రాధాన్యతలో విజయ్ మూడో స్థానంలో నిలవడం ఈ ప్రచారానికి మరింత ఊతమిచ్చింది.
అయితే విజయ్‌ను ప్రధాని అభ్యర్థిగా ప్రచారం చేయడంపై కాంగ్రెస్ తీవ్రంగా స్పందించింది. 2029లో రాహుల్ గాంధీయే తమ ప్రధాని అభ్యర్థి అని స్పష్టం చేసింది. టీవీకే దీనికి మద్దతు ఇవ్వకపోతే తమ పార్టీకి చెందిన మంత్రులు ప్రభుత్వంలో కొనసాగరని కాంగ్రెస్ నేత రాజేష్ కుమార్ హెచ్చరించారు.
మరోవైపు డీఎంకే నేత ఆర్.ఎస్. భారతీ విజయ్ ప్రధాని అభ్యర్థిత్వ ప్రచారాన్ని ఎద్దేవా చేశారు. కాగా, మిత్రపక్షమైన ఎండీఎంకే అధినేత వైకో మాత్రం రాహుల్ గాంధీకి ప్రత్యామ్నాయం లేదని స్పష్టం చేశారు.
దీంతో 2029 ఎన్నికలకు ఇంకా సమయం ఉన్నప్పటికీ.. విజయ్ వర్సెస్ రాహుల్ అంటూ తమిళనాడు రాజకీయాల్లో ఇప్పటి నుంచే ఆసక్తికర చర్చ మొదలైంది.
